مساهمات القراء - شعر

وقف يا زمن عم نكبر عالفاضي ... بقلم : رانية المهايني

12.03.2016 | 02:39

 

يا زمن وقف عم نكبر عالفاضي
كنا وكانوا صور وذكريات من الماضي
وقت اللي كنا مبسوطين
رغم الوجع اللي مخبّى جُوا
الكل كان مرتاح وراضي

 

يا زمن وقف عم نكبر عالفاضي
لا ليلنا ليل، ولا نهارنا نهار
والأيام عم تمرق هيك
شلون ماكان....
والأسابيع و الشهور والسنين
عم تُملص من عمرنا عالهادي
والكذب عم ناكلو بكل الوجبات
بفطورنا وغدانا وعشانا
ويمكن بعد أكثر وزيادة

 


وبتطلع الناس ببعضا
وقت بكل صدق بتكذب
وممكن تجيب بكذبها شهادة
وهاللي عم يصير فينا عادي؟
لاااااااا مو عادي

 


يا زمن وقف عم نكبر عالفاضي
يا أمي ويا بَيِّي وينكن
شو بدي خبركن لخبركن
وقديشني منكم زعلانة
كيف ربيت بحضنكن
عالوفا والحب والدفا والسعادة
كيف ما خبرتوني انو
برا مافي غير القسوة والخيانة

 


وبتقللي يا عم شادي نحنا ولاد المستقبل
وك أيا مستقبل يا عم شادي
وك يا زمن وقف عم نكبر عالفاضي
وينك يا جدي لما كنت تقول
أنا وخيي ع ابن عمي
وأنا وابن عمي عالغريب

 


يا جدي لا ضل خي ولا ابن عمي
عأرض وطني ما ضل غير الغريب
وهاللي عم يصير فينا عادي؟
لاااااااا مو عادي
يا زمن وقف عم نكبر عالفاضي

 


وين اللي كانوا يقولوا
بيع اللي بايع واشتري اللي شاري
يا عمي كلو بايع
ماكلو بايع يا عمي
ومنستغرب هاللي فينا صاير انوعادي؟
يا زمن وقف عم نكبر عالفاضي
 

 



https://www.facebook.com/you.write.syrianews/?fref=ts


مصادر معارضة: سنطرح انشاء كتائب مشتركة مع الجيش النظامي بقيادة روسية- تركية في استانا

كشفت مصادر مقربة من المعارضة المسلحة المشاركة في اجتماع استانا المرتقب في الـ23 من كانون الثاني الحالي، إنه سيتم طرح تشكيل كتائب مشتركة بين المعارضة والجيش النظامي للقتال ضد تنظيم "الدولة الإسلامية" (داعش) خلال الاجتماع.