كرتون

<كرتون .. نعيد نشر مواضيع مجلة مصورة قديمة عمرها اكثر من مئة عام .. ولكنها ما زالت صالحة لتاريخ اليوم .. "الاولاد"..

سرفاتي ابو خلقه قديمة اخد مناظر السبق بالسيما

03.01.2017 | 12:16

1- الخواجه سرفاتي، صاحبنا المصوراتي، طلع يوم التلات، يتفرج على سبق الموتوسيكلات، وحضر كرسي يقف عليه، ووقف يبحلق بعينه،و يقول دلوقت اصور السبق للسيما، ويبقى احسن فيلم عليه القيمة، تلات فصول، وشيء مهول، واعرضه في سيما عابدين، و اكسب لي منه قرشين طيبين.

1

 

2- صاحبنا وقف يدور ماكنة التصوير، وهو فرحان ح يطير، والموتوسيكلات طايرة زي الهوا، رايحة من شبرا على نوى، وكان عم سرفاتي، اللي طول عمره ملبخاتي، واقف في وسط السكة، ومتشعلق فوق الكرسي زي الدكه، وهو هايص على آخره، مش واخد باله وعاطي للسكة ضهره.

2

 

3- اول موتوسيكل جاله من ورا، شقلبه في الهوا، وطير الكرسي سبعة سباتي، ونسف صاحبنا سرفاتي، بص لقى نفسه عمال يبرم في الهوا، وجسمه اتعوج واتلوى، والماكنة في ايده ما سبهاش، وعينيه زغللت وعقله باش.

3

 

4- ولكن من حسن حظه وقسمته، نزل يهوي بجتته، وراح قاعد من تاني، على مقعد الموتوسيكل الوراني، بص لقى نفسه طاير زي الريح، وهو قاعد ومستريح، فرح وفرفش، وانبسط واتنغنش، وصور السبق من غير قلق.

4

 

 



TAG: كرتون

عن السيادة واخواتها ..؟!

بينما كانت الرفيقة هند الطريف عضو اللجنة المركزية للحزب تعقد اجتماعا مع اعضاء النقابات المهنية بالرقة على بعد مئات الكيلومترات من المدينة التي بقيت لسنوات طويلة تحت سيطرة داعش وخارجة كليا عن سيطرة الدولة ، كان مهندسون امريكيون يعملون بجانب عناصر من قوات "سوريا الديمقراطية" في بناء جسر في محيط المدينة.