ياسمينة الشام.. بقلم: سامي حلياني

لا تقطف هالوردة و تقول عنها يبسانه          جرب شي مرة سقيها بركي منك يئسانه 

هالوردة ريحتها زرعت فينا الأمل               وفتحت بواب سكرها بوجهنا الزعل

ياسمينة هالشام شتاقت لمحبة ترويها           وشبعت من دمي و دمك اللي مغطيها 

سقيها شي مرة ببسمة حلوة مخبيها             او كلمة دافية بساعة غضب تحميها 

هالوردة لصغيرة وحدت داري مع دارك         طلعت عحيطك وصلت سراري بسرارك 

لا تتركها تدبل منا زعلانة                     بيي و بيك وصونا فيها أمانة 

عرفوا فيها رمز لحضن ووطن تاني           بيجمعنا سوا إذا خسرنا وطننا الأولاني 

خليها بأرضها مزروعة                       راسها بالعالي وريحتها صلاة مرفوعة 

بركي شيء نهار منرجع منمسحلها دموعها     ومنخفف عنها أحزانها ومنشفيلها وجوعها .