تقدم الممثل السوري حسن خليل باعتذاره للجمهور بعد الانتقادات التي طالته على مواقع التواصل الإجتماعي بعد مقابلته ببرنامج "شو القصة" الذي تقدمه الإعلامية اللبنانية رابعة الزيات.
وقال خليل في منشور عبر حسابه على انستغرام "أنا حسن خليل الشخص يلي انتظر 13 سنة ليوصل للحظة يلملم فيها شتات سنين تعب و جهد مرّت، و انتظرت لأحصد نجاح من السعي يلي سعيتو بالسنين يلي مضت.. لقائي مع السيدة رابعة الزيات كان تجربتي الأولى لمقابلة طويلة و تفصيلية عن حياتي و شغلي، و بهالمقابلة أنا كنت "أنا".
وأضاف "يعني كنت حسن يلي الناس القراب بيعرفوه، لا كنت حسن الفنان ولا كنت حسن خليل يلي أخد مكانة بعد شخصية علاء بمسلسل كسر عضم للمخرجة رشا شربتجي".
وتابع خليل "اللغط يلي صار بخصوص موضوع المعجبات، خانني فيه التعبير و لكن لم أكن أقصد فيه التقليل من قدر الناس المقصودين، خصوصاً أن أنا شخص اختبرت فضل هالناس عن طريق محبتهم/هنّ يلي عطتني الدافع و كانت هيي الأجر الكبير و تعويض التعب فعلاً.. فمن هالمنبر هاد أنا بعتذر عن سوء التعبير، و بأكد على امتناني لكل شخص دعمني ان كان من المقربين أو من المعجبين من الناس".
وختم بقوله "بتمنى بالأيام أن ننتظر لنشوف الصورة الكاملة قبل ما نحكم عالناس مشان اذا الغلطان فينا نلتمسلو عذر ما نظلمو لمجرد شي سمعناه و ما عرفنا تفاصيلو و شكراً للناس يلي تأكدت من نيّتي بعد ما شافوا المقابلة الكاملة".
واتهم حسن خليل بالغرور والتكبر على المعجبين بسبب تصريحاته في البرنامج التي قال فيها أنه يملك عدداً هائلاً من المعجبات مايدفعه للهروب منهم في بعض الأحيان.
وحصد خليل نجاحاً واسعاً بعد مشاركته بشخصية "علاء" في مسلسل "كسر عضم" الذي عُرض في موسم رمضان الفائت.
سيريانيوز
