"على أونا على دويه على تريه " هكذا وصفت الفنانة شكران مرتخى ظاهرة بدأت تنتشر في الوسط الفني السوري بكثرة، حيث تعرض شخصية ما على أكثر من ممثل أو ممثلة، في نفس الوقت، ثم التفاوض معهم لاختيار الأقلّ أجراً لأداء الشخصية.
وكتبت شكران على صفحتها الشخصية على موقع التواصل الاجتماعي "فيسبوك" " اليوم بدي أحكي عن ظاهرة البازار والمزاد العلني في المهنة يعني مثلاً ببعت هالدور لفلانه ولفلانه و لفلانه ، بناقش الأجر مع فلانه وفلانه و فلانه طبعاً كل وحده مفكرة الدور أنكتب إلها هي الأنا تبع كل حدا فينا".
وأضافت شكران "الشطارة بقا اللي بتقبل بأقل رقم (طبعاً كلنا بدنا نشتغل ونعيش) والرقم الأقل بالنسبة للفطحل اللي عم بحاكينا هي اللي بتفوز بالدور، وعلى أونا على دويه على تريه ، ويلااااااااا طبعاً ينطبق المثال على المذكر، وبتلفون صدفة بين الزميلتين شو عندك بكرا تصوير ، بالله ، اي والله ، مع مين مع ؟! ، شو الدور (؟!) ، آه !!!!!!!بالله.الف مبروك حبيبتي ، الله يبارك فيكي رايحة جهز مشاهدي ، الله معك أغلق التليفون".
وتابعت شكران " فوراً بتمسك التليفون المصدومة وبتتصل بالمسؤول عن الموضوع ، ترن ترن ترن ترن هذا الرقم خارج الضمير المهني يرجى المحاولة لاحقاً ، (طبعاً بينطبق هالبوست عالفنانين والفنيين وووو كتار) ".
وأوضحت شكران " هاد البوست إلى مدراء الإنتاج والقيمين على العمل الفني ي ي ي الأكابر (طبعاً نجومنا الكبار أغلبهم بيحكوا مع بعض) .. نعم يا سادة الحرب طالت كل شيء " .
وتشارك مرتجى هذا الموسم في مسلسل "زوال" مع المخرج أحمد ابراهيم أحمد ومسلسل "خاتون" تأليف طلال مارديني، وإخراج تامر إسحق، بينما تستعد لاستكمال شخصية "فوزية" في الجزءين الثامن والتاسع من "باب الحارة".
يذكر أن الفنانة شكران مرتجى أطلت العام الماضي من خلال مسلسل "دنيا2" و "باب الحارة" و "بانتظار الياسمين".
سيريانيوز
