عبتحلم بوطن والا برقعة أرض ،ولو بتعرف شو هوي الفرق.. ؟
بالوطن بتحس بالإشياء عم تتحرك إلها روح ما بتوقف ولا بتفنى ، بالطرقات الناس بتسرح بتنسى همها وقلوبها لبعضها بتفتح و بالبيوت في ضحكة موجودة رغم الغصة اللي معلقة عالجوزة
في حجار تعودت عدعساتك وفي حيطان حفظت وقفاتك وفي نبعات سقيت عطشاتك وفي بواب كتير نفتحت قدامك.....
لك حتى الدمعة إذا نزليت من عينك في نسمة تحملها و الصرخة إذا طلعت من تمك في صدى يوديها و الوجع إذا كبر بقلبك في حضن يشفيه .....حتى همومك بالوطن في إلها رفيق
قصة الحب بتعيشها غير !،بتمشي معها وبتغازلها بكل شيء بسواد الليل بضوء القمر بريحة الشجر بصوت النهر بلون الحجر ،كل شيء من حولك فيه شعر ،الأمي بصير شاعر والخايف من العتمة ما بيتردد يغامر ...دقيقة شوي ،لاحظت الفرق؟
بكل شيء حكيته ما جبت سيرة موقع أو أرض ،كنت عمبحكي عن روح عايشة بمكان مكان محدد إسم هالروح هوي الوطن.
https://www.facebook.com/you.write.syrianews/?fref=ts
