1- أبو شروال ماوش بالدنيا غرض، إلا أنه يعمل فصل في الشبندر يسبب له المرض، جه على مرجيحة الشبندر وقعد ينشر عمدانها، وقال أنا اخليه يتدعور وافرج عليه سكان مصر وبنها، وانط في كرشه وأدغدغ وشه.
2- وشوية و الشبندر وبنته جايين، أبو شروال قال في نفسه والله وقعتكم زي الطين، قعد الشبندر على المرجيحة وبنته تمرجحه، وأبو شروال مفرفش على آخره ومتأكد أنه حيقع وقعه تضحضحه، وتبهدل كيانه، وتخرب له دكانه.
3- الشبندر تقل على المرجيحة خشبها طقطق، وراحت عمدانه مكسورة ونزلت على دماغ أبو شروال خلته يهفق، ومش قادر يقوم، إلا أن جاله برسوم.
4- غندوره قالت له انستنا يا بو شروال، والشبندر قال له ازاي الأحوال، وبسلامته اتعكز على عمدان الخشب، ومشي يزحف ويقول برده أنا السبب.
5- ورجع يحمحم ويشمشم، لقى واد عبد جايب للشبندر صندوق مبرشم، ويوق لدي هدية من ملك السودان الجواني، علشان تبعت له شوية بلح حياني.
6- الشبندر فرح وقال يا الله كتير من الهدايا، خليني أغيظ عدايا، وقال لبنته خليك واقفة هناك، و ابو شروال نط لهم من الشباك.
7- واتمطع ورفع نبوته اللي يهد جبال، ونزل به على دماغ الشبندر وقال همتك يا بو شروال، الشبندر زاغ من النبوت إياه، والنبوت نزل فوق الصندوق طير غطاه، وغندورة قالت لابوها بلاش بقى قادوم، اهو الصندوق اتفتح انا نشوف فيه صيغة وإلا هدوم.
8- غطا الصندوق نط زي البمبه، نزل فوق دماغ أبو شروال اللي عامله زي كرمبه، لخبط خلقة حضرته، وبهدل له عمته، وخلاه يروح سبعة اسباتي، وفضل يصرخ ويهاتي، غندوره ضحكت وسخسخت لما شافت خطة ابو شروال لبخت، قالت مالك و مالو خلي كل واحد بحاله.
9- اتا بي الصندوق كان في فهد من بلاد السودان، مضي عليه ثلاثة أشهر جعان، هجم على أبو شروال وقال له تعالى يا نور العين، وفضل يرمح وراه ومين عارف وصله لفين، ومن هنا للعد الجي، نعرف إن كان أكله وال سابه حي.
