بعد وفاة الراقصة غزل .. راقصة مصرية تعلن الاعتزال والتوبة من هي؟
أعلنت الفنانة والراقصة الشرقية برديس عن اعتزالها الرقص الشرقي بلا رجعة بعد صدمتها في وفاة الفنانة غزل التي رحلت فجأة في الأسبوع الماضي على إثر جرعة زائدة من المخدر.
وكتبت برديس على صفحتها الشخصية على "فيس بوك" مخاطبة جمهورها " لكل حبايبى وإخواتى وأصحابى اللى بيحبولى الخير أحب اقولكم أنا اعتزلت الرقص الشرقي تماما وقرار لا رجعة".
وتابعت برديس قائلة "بجد أد إيه الإنسان لسان في ثانيه عند ربنا وأنا كنت على علم بكده بس بجد الواحد كان في غفلة قسما بالله إن أول مره أفقد حد كنت بشوفه قدام عيني من نفس المجال والله العظيم من يوم سماعي الخبر وأنا مدمره وعدم حضوري الجنازة والله العظيم كنت خارج مصر بس الله يرحمها وقطع لسان أي حد يجيب سيرتها".
وواصلت "محدش عالم بظروف حد إلا ربنا فالحمد لله ده قرارى بجد وعلى فكره أنا مش لبسه الحجاب أنا عايشه حياتى بالتزام وعايشه سنى اللى بيضيع منى فى مجال كله ياله نفسى وربنا يديني الخير ويديني الذريه الصالحه وأنا مش مسؤلة عن أى صفحه تنزل صور ببدل أو أي فيديوهات أو أي كليب نزل او هينزل دي حاجات قديمه انا صفحتى دى الشخصيه، وأنتو كلكو أصحابى وبحبكم. ربنا يحسّن خاتمتنا وموت الغفلة ويهدينا جميعا".
وكانت الراقصة غزل تعرضت لجرعة مخدر زائدة اثناء عملية اجهاض بسبب وفاة الجنين في بطنها ، وادت هذه الجرعة لوفاة الراقصة.
سيريانيوز