باسم ياخور يرد على احد معجبيه بقسوة بعد ان حسده على ثروته

ردّ الممثل باسم ياخور على أحد متابعيه عبر مواقع الاتصال الاجتماعي الذي انتقده على مصروفه وسفره الدائم .

وكتب ياخور عبر حسابه على "فيسبوك" "والله أنا لا كنت وزير سابق لهطت وبلعت ولا كنت رئيس وزارة شفطت الأخضر واليابس ولا بيضت أموال ولا اشتغلت بتهريب الدخان ولا اتوظفت بالدولة".

وتابع "ولا شحدت من العالم ولا اشتغلت بتجارة الحرب ولا استرزقت عالحواجز وطلعت غلة بالملايين ولا عفشت ولا طلعت مع تيار سياسي وقبضت باليورو".

وختم: "أنا زلمة اشتغلت وتعبت على حالي سنين ولهلق اذا بشتغل بصرف اللي بطلعوا كلو على حياتنا فبدل ما تعلقلي فوت فوتك يا قبضاي عبروفايلات الحرامية اللي معبيين البلد وفرجينا بطولاتك ونقدك اللذع هنيك يا غالي".

وكان باسم ياخور نشر صورة له خلال تواجده بالمانيا، فنهالت عليه التعليقات والاشادة باعماله الفنية غير ان احد المعجبين استفزه بتعليق كتب فيه  "نيالك يا استاذ معك مصاري بتروح وين ما بدك. اما نحنا ما معنا اجار سرافيس".

يشار الى ان باسم ياخور شارك الموسم الماضي، في بطولة مسلسل "مذكرات عشيقة سابقة " الى جانب الفنانة اللبنانية نيكول سابا وكاريس بشار وطوني عيسى وشكرن مرتجى والعمل من تأليف نور شيشكلي وإخراج هشام شربتجي.

سيريانيوز