تولين البكري مطلقة بعد يومين من زواجها فقط

فسخت الفنانة تولين البكري عقد زواجها من رجل الأعمال السوري أمجد بدور بعد يومين فقط من إعلانها الارتباط به رسميا خلال حفل حضره عدد من أصدقائها من أهل الوسط الفني في فندق الشيراتون بدمشق .

ولفتت تولين إلى أن "فسخ العقد يعود لرفض أهل زوجها أن يتزوج من ممثلة ومطلقة".

وقالت تولين في منشور على الفيسبوك " رفقاتي...حبايبي.. متل ما كنتوا معي نضاف أنا واجبي بادلكم بنفس الصدق والصفاء وشيل كل تساؤل واشارة استفهام عم تفكروا فيها..بما أني بعد يوم من إعلان زواجي شلت كل الصور ..أنا رح واجه مشكلتي معكم لأنو أد ماخبيت مافي شي بيدوم..ومافي داعي لخبي لأني ماغلطت".

وأضافت  "انا متلي متل أيا أنثى..بتحلم بالاستقرار والأمان والدفا والعيلة والحب..ارتبطت شرعاً بشب أبن عالم وناس وتزوجنا بعد ماتقدملي بشكل رسمي وحكا مع أهلي وطلبني على سنة الله ورسوله..ولكن للأسف كان لأهل هالشب اعتراض عليي ومآخذ..بما أنني مطلقة وممثلة واجبروه على فسخ عقد الزواج القائم بيننا".

وتابعت "كل ذنبي كان أني طلبت الحلال مع هالشب..وبالنهاية كل شي لخير أكيد وقسمة ونصيب".

ووجهت تولين رسالة لكل الأمهات قائلة "حابة قول لكل أم عندها شب عم تدور لأبنها على عروس من وجهة نظرها أخلاق هالعروس بتنطلق من عذريتها بحب قول لهالأم..ياسيدتي عذرية الروح أهم بكتير من عذرية الجسد... وبعتذر من أهلي قدام الكل لأني حطيتون بهالموقف بدون أي ذنب".