حنجل أفندي

1- حنجل أفندي بعد ما اتغدى وقام يغسل ايديه، لقا رباط الجزمة مفكوك و هانش عليه، نخ عشان يربطه من فوق، سسد السكة على اللي وراه من غير ذوق، وفضل يصلح في جزمته، ويوري للناس همته.

 

2- وشوية وابو عثمان داخل، شايل سلطانيه شوربة وبيتمايل، وماشي يتقمع وباصص للسقف قال حضرته بيتدلع، حنجل شال دماغه صدمت الصينية، نطت من فوقها السلطانية، وعملت لها زمبليطة، كأنها بتقول حاوريني يا طيطه.

 

3- نزلت في دماغ واحد زبون معتبر، وتبرشمت في راسه خلت راسه مالوش أثر، ابو عثمان لطم وقال يا خسارة يا شوربة الناس، وحنجل قال اما السلطانية دي غطا للراس، صحيح تدفي السقعان وتشبع الجعان.