سلاف فواخرجي من أمام صندوق الاقتراع: "لازم نكمل الطريق وندافع عن وجودنا"

شاركت الفنانة سلاف فواخرجي بانتخابات مجلس الشعب التي أقيمت أمس الأربعاء في المحافظات السورية.

ودعت فواخرجي عبر صفحتها على (فيسبوك) الجميع للمشاركة بالانتخابات وكتبت "بعد خمس سنوات حرب وعذاب ومعاناة لازم نكمل هالطريق وندافع عن وجودنا، اليوم بمشاركتنا بالانتخابات عم نفتح صفحة جديدة لبلدنا اللي منحبها ومنحلم فيها لتكون أفضل بلد بعرف انو الاحباطات كتيرة وانو آمال كتير خابت من خلال ناس كلفناهم وماكانوا قد الثقة بس اذا مارحنا وانتخبنا اللي متوسمين فيهم خير رح نتأذى أكتر بوجود ناس مابدنا ياهم ".

وأضافت "ممكن نكون ضد المشاركة لكتير اسباب بس مجرد ننزل ونشارك بحق طبيعي النا وبواجب علينا متل ماعملنا واجبنا بوجودنا ببلدنا ودفاعنا عنه بكل الطرق، سوريا عملت انتخاباتها بوقتها وشعبها اللي حماها وماقصر وداق المر بكل اشكاله وبقي معها بالسراء والضراء حمى سيادتها".

وأوضحت "كل شي عملناه وعم نعمله على امل كبير تنهض سوريتنا من اول وجديد بقلوب صافية بتخاف عالبلد وتقدم للبلد ماتاخد منه وتقرب من الشعب ماتبعد عنه ونعتمد مبدأ الحساب والعقاب  ونصير نحاسب عالافعال مو على النوايا".

وسلاف فواخرجي من الفنانين الذين اعلنوا تأيدهم للرئيس السوري بشار الأسد، وأوضحت أكثر من مرة أن الموقف الذي اتخذته مما يجري في سوريا "ليس سياسياً بل وطني بامتياز".

يذكر أن الفنانة سلاف فواخرجي من مواليد اللاذقية 1977، شاركت في العديد من الأعمال التلفزيونية والسينمائية، وتميزت في الكثير من الأدوار وحصدت جوائز في أكثر من مهرجان في سوريا وخارجها، حصلت على درع مهرجان القاهرة للإذاعة والتليفزيون لعام 2001 عن دورها في مسلسل "أحلام لا تموت".

سيريانيوز