شيرين عبد الوهاب تكشف تعرضها للضرب من قبل طليقها حسام حبيب

كشفت الفنانة المصرية شيرين عبد الوهاب تفاصيل خلافها مع طليقها الفنان حسام حبيب وذلك في مداخلة هاتفية أجرتها مع الإعلامية لميس الحديدي متهمة إياه بمحاولة السعي لتدميرها.

وقالت شيرين :" أنا آسفة إني بتكلم في موضوعي، الناس أكيد عندها مشاكل كبيرة وأهم مني"، مضيفة :" كنت عايشة مع زوج مبيشتغلش ومبيخرجش، بقيت 24 ساعة في غرفة نومي، مبعملش حاجة، قاعدة وبس"

وأوضحت: "أخطأت في حق نفسي، بس سعيت إن الست المشهورة تبقى إنسانة متجوزة وتحافظ على بيتها، لكن ده مكانش بيت، دي كانت مصيدة فئران".

وتحدثت النجمة المصرية عن أسباب تكتمها عن تفاصيل العلاقة قائلة: "كل الناس عارفة إني كانت بحاول أجمّل صورته، وأنا كنت عايشة مع راجل تقريبا  معندوش غير حب الامتلاك، وفضلت جنبه على أمل النجاح، فأنا خدامة الراجل اللي أعيش معاه" .

وأردفت: :"بعد كورونا اتدمرت على إيد حسام، وشغلي مكنش بيتعمل، وهو إنسان مزاجي جدًا، وخسرني كل الناس: أخويا وأختي وأمي وأصحابي وسواقي والشغالة بتاعتي، وحسسني إن الدنيا كلها تآمرت ضدنا، وأنا صدقته مع إن الحقيقة مش كده. ده شخص لازم يتعالج نفسياً لأنه عنده حب امتلاك، عايزني قدامه وخلاص، ولو عملت فرح أو إعلان ناجح ينكد عليّا".

واعترفت شيرين بأنها تعرضت للضرب على يد حسام، قائلة: "شفت خناقات كان فيها ضرب وسحل على الأرض وشتيمة مفيش إنسانة تقبلها على نفسها، ولما اتطلقت حاولنا نرجع تاني، وقلنا ندي فرصة تاني بشرط إني نعيش في بيت تاني ونبعد بناتنا عن المشاكل ونشتغل، وهو كان بيتردد علينا وكنت أؤهل بناتي إنه لسه في حياتنا، لحد ما الوعود اختفت من تاني والمشاكل وقلة الأدب رجعت من غير سبب".

وعن رجوعها لحسام بعد طلاقها قالت :" اتطلقت لما قصيت شعري طلاق بائن، ولما هديت حسيت إني مش قادرة أستغنى عنه وإني ممكن اديله فرصة تانية، علاقة الزواج مقدسة جدا ولازم نحافظ عليها، وأنا كنت بحبه وفاكراه ابني مش جوزي بس، واهتميت بيه وعملت له استوديو واشتريت له كل الأغاني اللي عجبته بشيكات باسمي علشان أضمن متروحش منه وبعدين يتهمني إني تخنت وبقيت شبه أمي وهو عايز واحدة رفيعة يتباهى بيها قدام الناس".

وتابعت :" لما حاولنا نرجع تاني بالشروط الجديدة، رجع بيتدخل في كل شيء، معندوش شغل وفاضي، كرهّني في بناتي، وقالوا إن حسام (قيّد) شيرين وحلق شعرها وعملت مداخلة مع عمرو أديب وقلت إني لسه بحبه وخفت عليه من الناس".

وختمت شيرين برسالة: لو حد شاف حسام حبيب يبول ويتف عليه

سيريانيوز