حمو بيكا: أنا عمرو دياب الغلابة

أكد الفنان المصري حمو بيكا، أنه حقق نجاحاً كبيراً في عالم المهرجانات الشعبية، واصفاً نفسه بأنه "عمرو دياب الغلابة"، أسوة بالنجاح الذي حققه الهضبة طوال مسيرته الفنية التي امتدت لعقود.

وانتقد بيكا زملائه في تصريحات تلفزيونية، مؤكداً أنه ساعد زميله حسن شاكوش في بداية وجوده بعالم المهرجانات، وقال "علمته يقف أمام الميكروفون ويغني إزاي، وهو اللي جاء يقولي عايز أغني معاك ومكنتش أعرفه، وهو مكنش عنده استوديو أصلاً".

وأضاف "أول أغنية عملتها له، جابت 15 مليون مشاهدة.. وأنا اللي طلعته للنور.. ولما اتشهر والغرور خده مني، بقى يعمل أغاني لوحده.. بس أنا المدرسة اللي طلعت حسن شاكوش".

وتابع حمو بيكا منتقدا حسن شاكوش: "هو بيحب السهرات مش بيحب الشغل.. أنا بشتغل مش بسهر وهو مش مركز في شغله.. أنا العالم كله يعرفني ولكن هو لأ.. وساب مراته وراح يسهر ومراته بتنصحه بتقوله انزل اشتغل.. ومديرين أعماله بيسوحوه".

كما اعتبر أن زميله عمر كمال، لا يجيد الغناء، وهو أكثر نجومية وجماهيرية منه، قائلاً: "ورب اللي خلقني عمر كمال مابيعرفش يغني.. يعني إيه صوته حلو؟!.. هي مش بالصوت.. وأنا صوتي على قدي بس ليا جمهور كتير والناس كلها بتحبني.

سيريانيوز