عصفور الدوري.. بقلم : عبد الوهاب شرينه

عصفور الدوري بيعرف كل الدخاريش
بسقف البيت و حيطانو شو مخبي ريش
و مغيب كل حكاية حكيناها همس
لما الليل يسهرنا و تغيب الشمس

شاف الفرحة و الدمعة بعيون صغار
و لمة عيلة مجتمعة قدام النار
شي نعسان عم يغفا و يحلم بنهار
و شي قاعد عم بيفكر ليش صرنا كبار


يا عصفور و عصفورة نحنا جيران
خلوا القصة مستورة يمكن غلطان
يل قاعد لحالو لسا سهران
عم يستنى شي نجمة توقع من فوق


و بنية متل الوردة حلمانة بطوق
أو خاتم أو إسوارة مدوبها الشوق
تتسمع كلمة منو بأول كانون 
و يحكي كتير و تقلوا انت مجنون


تاري العصفور بيعرف كل الأحلام
و تعود يسمع صوتا قبل ما ينام
عصفور الدوري رفيق بيوت العشاق
و بيوت صغيرة بتغفا و شجر الدراق
 و ريحة بستان مزهزه و معبا وراق